الحب الحقيقي

الحب الحقيقي
السلام عليكم ورحمة الله
أنا ملاحظ أن كل الموجودين بيتكلمو عن الحب اللى مبين أتنين بيحيو بعض مع أن دة يمكن أخر نوع حب ممكن نتكلم علية الحب الحقيقي مش هو دة الحب ليه أشكال كتير ومراتب أكتر يعني لازم يكون الحب بأولويات الحياة وأنواع الحب بالترتيب لازم تكون بالشكل دة

1- حب ربنا (والله ملناش غيرة هو الغفار و التواب و الرازق والمهيمن وهو كل معني في حياتنا)

2- حب سيدنا محمد (صلى الله علية وسلم) لأنه شفيعنا ولا بد من أننا نحبة أكتر من أي حد في حياتنا وكان في قصة عن سيدنا محمد وعمر ابن الخطاب أنهم كانو في جلسه فسألة سيدنا محمد هل تحبي يا عمر قال نعم يا رسول الله قال أكثر من أبويك قال نعم قال أكثر من مالك قال نعم قال أكثر من أبنائك قال نعم قال أكثر من نفسك قال لا يا رسول الله قالة ان دينة لم يكتمل بعد فخر شوية عمر ورجع قال والله أحبك أكثر من نفسي يا رسول الله فلما سألة أبنه قال له أنا فكرت فوجد أنه أنفع لى من نفسي فمن سيتشفع لي غيرة ودة كان مضمون القصه

3- حب وطنك (لو دورت على أي وطن مش حتلاقي أحن عليك ولا وطن زي وطنك)

4- حب أهلك (وطبعاً حسب حنيتهم عليك بس لازم تحبهم كلهم أبويك وأخواتك والله هما أحن ناس عليك مهما مريت بقصص حب وحسيت بأنك بتحب وحدة أكتر من أي هما برضة بيحبوك أكتر الواحد ممكن يحب وبعد كدة بتصدم في حبيبته ممكن بعد الزواج أو في فترة الخطوبة إينما أهلك عمرهم ما حيخونوك

5- حب الناس المحيطوين بيك

6- حب الشاب للفتاة وطبعا لما الواحد يوصل للحب دة حيكون قلبه مليان بحب كتير طبعا الحب دة حيكون ليه مزاق خاص بس حيكون في توازن في مشاعرك ولو حصل لاقدر الله أنفصال مش حتكون الكارثه كبيرة لأن الأنسان مبقدرش يعيش بدون حب إنما لما يحص الأنفصال أنت فعلاً في حجات تانية بتحبها إنما لو قلبك مفيهوش غير الحب دة أنت حتكون صدمتك كبيرة قوي في حبيبتك وممكن يحلك حاجة لأن قلبك مبيحبش غيرها وكمان سيدنا محمد منعنا عن العشق والعش هو حب حد أكثر من أي حاجة تانية وفي مرحلة العشق الواحد ممكن أنه يترك صلاة أو يترك عملة أو يترك أي شئ في سبيل أنه يكلم حبيبته أو يروح يقابلها وهو دة الحب الحرام

في كمان حاجة عايز أتكلم فيها ممكن حد يقول منين مسمى نفسي روميو وبتكلم عن الحب بالشكل دة أنا صحيح روميو بس رميو اللى بيحب الحب بكل أنواعه و بترتيبه


وياريت يكون موضوعي عجبكم